వెజిటేరియన్ ఫుడ్ తింటే ఎన్ని బెనిఫిట్స్ అంటే..

శాకాహారం మంచిదా.. మాంసాహారం మంచిదా అనే చర్చ ఎప్పుడూ జరుగుతూనే ఉంటుంది. మరి శాకాహారం తినడం వల్ల కలిగే లాభాలు ఏంటో తెలుసుకోండి.

వెజిటేరియన్ ఫుడ్ తింటే ఎన్ని బెనిఫిట్స్ అంటే..

 

 
హెల్దీగా హ్యాపీగా ఉండాలంటే శాకాహారం మంచిదని చెబుతుంటారు. శాకాహారాన్ని కంప్లీట్ డైట్ అని కూడా అనొచ్చు. ఇందులో ఫైబర్, విటమిన్స్ సీ, ఈ, ఫోలిక్ యాసిడ్, మెగ్నీషియం, అన్ సాచ్యురేటెడ్ ఫ్యాట్, ఇంకా ఫైటో కెమికల్స్ ఉన్నాయి. అందుకే, శాకాహారం మాత్రమే తీసుకునే వారికి కొలెస్ట్రాల్, బీపీ కంట్రోల్ లో ఉంటాయి. వీరికి హార్ట్ డిసీజెస్ వచ్చే రిస్క్ కూడా బాగా తక్కువ. అంతే కాక,

వెజిటేరియన్ ఫుడ్ ని డైజెస్ట్ చేసుకోవడం తేలిక, వండడం తేలిక, ఆరోగ్యకరం. ఖర్చు కూడా తక్కువే. వెజిటబుల్స్ కేవలం మన ఆరోగ్యానికే కాదు, ఎన్విరాన్మెంట్ కి కూడా ఎంతో మేలు చేస్తాయి.

మన ఆరోగ్యానికి శాకాహారం చేసే మేలు ఏమిటో చూద్దాం రండి.

1. జీవిత కాలాన్ని పెరగడం..

జీవిత కాలం పెరగడానికి చాలా కారణాలు ఉన్నాయి కానీ, శాకాహారం కూడా వాటిలో ఒకటి. పండ్లూ, కూరగాయలూ ఎక్కువ తీసుకున్నప్పుడు శరీరంలో టాక్సిన్స్, కెమికల్స్ తక్కువ ఏర్పడుతాయి. ఇందు వల్ల జీవిత కాలం పెరగడమే కాదు, జీవితాంతం ఆరోగ్యంగా కూడా ఉండగలరు.


2. కొలెస్ట్రాల్ లెవెల్స్ తగ్గడం..

నమ్మండి, నమ్మకపొండి కానీ యానిమల్ ఫ్యాట్ తీసుకోవడం వల్ల ఎలాంటి హెల్త్ బెనిఫిట్ లేదు. వెజిటేరియన్ డైట్‌లో కొలెస్ట్రాల్ ఉండదు. మాంసాహారం నుండి మాత్రమే కొలెస్ట్రాల్ వస్తుంది. ప్రతి కణానికీ కొలెస్ట్రాల్ అవసరమే, కానీ బాడీ వెజిటేరియన్ ఫుడ్ నుండి తనకు కావాల్సిన కొలెస్ట్రాల్‌ని తను తయారు చేసుకోగలదు. కొరియా లో జరిగిన ఒక రీసెర్చ్ ప్రకారం వెజిటేరియన్ డైట్ తీసుకునే వారిలో ఫ్యాట్, కొలెస్ట్రాల్ లెవెల్స్ తక్కువ ఉంటాయని తెలిసింది.

3. స్ట్రోక్, ఒబేసిటీ వచ్చే రిస్క్ దూరం..

వెజిటేరియన్స్ వారి ఫుడ్ చాయిస్ విషయంలో జాగ్రత్తగా ఉంటారు. ఎమోషన్స్ ఫుడ్ ని డామినేట్ చేయకుండా జాగ్రత్త పడతారు. బెల్జియంలో జరిపిన ఒక స్టడీ ప్రకారం వెజిటేరియన్ డైట్ ఫాలో అయ్యే వారికి ఒబెసిటీ వచ్చే అవకాశం, స్ట్రోక్ వచ్చే రిస్క్ గణనీయంగా తగ్గుతుందని తెలిసింది.

4. డయాబెటీస్ రిస్క్ దూరం..

మాంసాహారం తీసుకునే వారికి బ్లడ్ షుగర్ ఒక్కోసారి ఎక్స్ట్రీమ్ లెవెల్స్ లో ఉంటుంది. భోజనం చేసిన వెంటనే మరీ ఎక్కువగా ఉంటుంది. వెజిటేరియన్ డైట్‌లో ఇలా జరగదు. హెల్దీ వెజిటేరియన్ డైట్ అబ్జార్బ్ చేసుకోవడం తేలిక, పోషకాలు ఎక్కువగా ఉంటాయి, ఫ్యాటీ ఆసిడ్స్ తక్కువగా ఉంటాయి.

5. హెల్దీ స్కిన్..

హెల్దీ స్కిన్ కావాలంటే రెండు పద్ధతులు ఫాలో అవ్వాలి, అంతే. అవేమిటంటే, కావాల్సిన విటమిన్స్, మినరల్స్ తీసుకోవడం, తగినంత నీరు తాగడం. పండ్లు, కూరగాయల్లో విటమిన్స్, మినరల్స్ పుష్కలం గా ఉండడమే కాక యాంటీ ఆక్సిడెంట్స్ కూడా ఉంటాయి. పైగా వీటిలో నీటి శాతం కూడా ఎక్కువే ఉంటుంది. ఇవన్నీ కళకళలాడే చర్మానికి దోహదం చేస్తాయి.

6. ఫైబర్ ఎక్కువగా..

జీర్ణ క్రియ సరిగ్గా జరగాలంటే ఫైబర్ కంపల్సరీ. ఈ ఫైబర్ పండ్లూ కూరగాయల్లో ఎక్కువగా ఉంటుంది. ఇది బాడీ యొక్క మెటబాలిజంని ఇంప్రూవ్ చేసి టాక్సిన్స్, కెమికల్స్ ని త్వరగా బయటకు పంపుతుంది. వీటిలో ఉండే నీటి శాతం వల్ల బాడీ హైడ్రేటెడ్ గా ఉంటుంది.

7. డిప్రెషన్ ని తగ్గిస్తుంది

కొన్ని స్టడీస్ ప్రకారం శాకాహారం తినేవారు మాంసాహారం తినే వారి కన్నా హ్యాపీ గా ఉంటారని తెలిసింది. ప్రత్యేకించి ఆర్గానిక్ వెజిటేరియన్ ఫుడ్ పాజిటివ్ ఆలోచననలి పెంచుతుందని తెలుస్తోంది.

8. మెటబాలిజం ఇంప్రూవ్...

ఈ ఫుడ్ చాలా తేలికగా అరగడం వల్ల మెటబాలిజం ఇంప్రూవ్ అవుతుంది. అలాగే శాకాహారం తీసుకునే వారిలో రెస్టింగ్ మెటబాలిజం రేట్ కూడా ఎక్కువే. అంతే. వీరిలో కొవ్వు త్వరగా కరుగుతుంది.


9. క్యాటరాక్ట్ డెవెలప్ అయ్యే రిస్క్ ని తగ్గడం..

ఆక్స్ఫార్డ్ యూనివర్సిటీ లో జరిగిన ఒక రిసెర్చ్ ప్రకారం మనం తీసుకునే ఆహారానికీ క్యాటరాక్ట్ డెవలప్ అవ్వడానికీ డైరెక్ట్ రిలేషన్ ఉంది. మాంసాహారం తీసుకునే వారిలో ఈ రిస్క్ ఎక్కువగా ఉంటే శాకాహారం తీసుకునే వారికి తక్కువగా ఉంది.

10. ఖర్చు తక్కువ

ఇది హెల్త్ బెనిఫిట్ కాదు కానీ, ఇది కూడా బెనిఫిట్స్ లో ఒకటే. శాకాహారం మాంసాహారం కంటే ఖరీదు తక్కువ. అంటే, ఆ వారా మీరు డబ్బులు సేవ్ చేస్తున్నట్లే.

వెజిటేరియన్ ఫుడ్ లో ఎన్నో బెనిఫిట్స్ ఉన్నాయి. అలాగే నాన్-వెజిటేరియన్ ఫుడ్ లో కూడా ఎన్నో బెనిఫిట్స్ ఉన్నాయి. ఈ ఆర్టికిల్ లో శాకాహారం యొక్క బెనిఫిట్స్ ని డిస్కస్ చేసింది. అంత మాత్రాన నాన్-వెజిటేరియన్ ఫుడ్ ని కానీ, నాన్-వెజిటేరియన్ ఫుడ్ తీసుకునే వారిని కానీ అగౌరవపరిచినట్లు కాదని మనవి. నాన్-వెజిటేరియన్ ఫుడ్ ని తీసుకోవద్దని చెప్పటం కూడా ఈ ఆర్టికిల్ ఉద్దేశ్యం కాదు.

దయచేసి షేర్ చేసి అందరికి తెలియచెయ్యండి.