టూత్‌బ్రష్‌ని ఎన్ని రోజులకి ఒకసారి మార్చాలి..

బ్రష్ సరిగ్గా చేయడం ఓ హెల్దీ హ్యాబిట్.. మరి బ్రష్ చేసే టూత్ బ్రష్‌ని కూడా ఎంచుకోవడం కూడా ముఖ్యమే.. అది ఎలా ఎంచుకోవాలో తెలుసుకోండి..

టూత్‌బ్రష్‌ని ఎన్ని రోజులకి ఒకసారి మార్చాలి..

ఓరల్ హైజీన్ లో రెండు పూటలా బ్రష్ చేసుకోవడం మంచిదని మనకి తెలిసిన విషయమే. అయితే, ఎలాంటి బ్రష్ వాడుతున్నాం అన్న పాయింట్ కూడా ఇంపార్టెంటే. పొద్దున్నే టూత్ బ్రష్ లేకపోతే పని సాగదు. ఎక్కడికైనా ఊరు వెళ్ళాలంటే ముందు బ్యాగ్ లో పెట్టేది టూత్ బ్రష్, టంగ్ క్లీనర్. అయినా, మనం ఈ బ్రష్ కొనే విషయం లో అంత ఆలోచించం. సూపర్ మార్కెట్ లో మనకి నచ్చిన రంగు బ్రష్ తెచ్చేసుకుంటాం. కానీ, బ్రష్ కొనే విషయం లో కూడా కొన్ని జాగ్రత్తలు పాటిస్తే ఈ బ్రషింగ్ ప్రోగ్రామ్ ఇంకా ఎఫెక్టివ్ గా ఉంటుందని నిపుణులు అంటున్నారు. మరి ఆ జాగ్రత్తలేమిటో చూద్దాం రండి.

బ్రషింగ్ విషయం లో ఈ టిప్స్ పాటిస్తే మీ పళ్ళు మిలమిలా మెరుస్తూ ఉంటాయి.

1. ప్రతి మూడు నెలలకీ ఒక సారి టూత్ బ్రష్ మార్చాలి.
2. రెండు మూడు నిమిషాలు బ్రష్ చేస్తే చాలు.
3. మరీ ఎగ్రెసివ్ గా కూడా బ్రష్ చేయకూడదు.
4. పొద్దున్న బ్రష్ చేసిన అరగంట తరువాత బ్రేక్ ఫాస్ట్ చేయాలి.
5. రాత్రి డిన్నర్ చేసిన అరగంట తరువాత బ్రష్ చేయాలి.
6. డిన్నర్ కి ముందే బ్రషింగ్ కంప్లీట్ చేసుకునే అలవాటుంటే బ్రష్ చేసుకున్న అరగంటకి డిన్నర్ చేయాలి.
7. రోజుకి ఒకసారి ఫ్లాసింగ్ చేయాలి.
8. బ్రష్ గాలి తగిలే చోట ఉంచాలి.
9. బ్రష్ మీద టూత్ పేస్ట్ వేసే ముందు కూడా బ్రష్ ని ఒకసారి నీళ్ళతో కడగాలి.
10. నలభై ఐదు డిగ్రీల యాంగిల్ లో బ్రష్ చేయాలి.
11. పళ్ళ లోపలి వైపున కూడా బ్రష్ చేయాలి.
12. ఫ్లోరైడ్ ఉన్న టూత్ పేస్ట్ నే వాడాలి.


1. బ్రిసిల్స్

హార్డ్ బ్రిసిల్స్ ఉన్న బ్రష్ చిగుళ్ళని డ్యామేజ్ చేసి పంటి మీద ఉన్న ఎనామిల్‌ని తీసేస్తాయి. అదే, సాఫ్ట్ బ్రిసిల్స్ కాంఫర్టబుల్ గా సేఫ్ గా ఉంటాయి. అయితే, మీ ఛాయిస్ మీరు ఎలా బ్రష్ చేసుకుంటారు, మీ పళ్ళు ఎంత బలంగా ఉన్నాయి అన్న దాని మీద బేస్ అయి ఉంటుంది. ఒక వేళ సాఫ్ట్ బ్రష్ వాడదల్చుకుంటే గుండ్రని బ్రిసిల్స్ ఉన్న బ్రష్ ఎంచుకోండి. బాగా క్లీన్ చేసే బ్రష్ కరెక్ట్ టూత్ బ్రష్. వెనకాల ఉన్న పళ్ళని కూడా రీచ్ అయ్యే పొడుగున్న బ్రష్‌‌ని సెలెక్ట్ చేసుకోండి.

2. సైజ్

మీది చిన్న నోరైతే, పెద్ద హెడ్ ఉన్న బ్రష్ మీకు సరిపోదు. మీ నోట్లో అన్ని వైపులకీ ఫ్రీ గా తిరగగలిగేలా మీ బ్రష్ ఉండాలి. చిన్న పిల్లలకి మాత్రం చిన్న హెడ్ ఉన్న బ్రష్ నే కంపల్సరీ గా వాడాలి. హ్యాండిల్‌కి గ్రిప్ ఎంత ఉందో చెక్ చేసుకోండి. పెద్ద హ్యాండిల్స్, రబ్బర్ గ్రిప్ ఉంటే పిల్లలకీ, వృద్ధులకీ కంఫర్టబుల్ గా ఉంటుంది.

3. మాన్యువల్ / ఎలెక్ట్రిక్..

రెగ్యులర్‌గా బ్రష్ చేసుకుంటున్నంత కాలం మాన్యువల్, ఎలెక్ట్రిక్ బ్రషెస్‌లో ఏ బ్రష్ వాడినా ఓరల్ హైజీన్ బానే ఉంటుంది. ఎలెక్ట్రిక్ టూత్ బ్రష్ ఖరీదు ఎక్కువగా ఉంటుంది, దాని రిమూవబుల్ బ్రష్ హెడ్‌ని కొన్ని నెలలకి మారుస్తూ ఉండాలి. వృద్ధులకీ, ఏదైనా హెల్త్ ప్రాబ్లమ్ ఉండి చేయి సరిగ్గా తిప్పలేని వారికీ ఎలెక్ట్రిక్ బ్రష్ బావుంటుంది.

చిన్న పిల్లలకి ఓరల్ హైజీన్...

చిన్నప్పుడే మంచి ఓరల్ కేర్ అలవాటైతే పిల్లలు పెద్దవాళ్ళయ్యాక కొన్ని డెంటల్ ప్రాబ్లంస్ నుండి తప్పించుకుంటారు. కానీ, వాళ్ళకి బ్రష్ చేసుకోవడం అంటే విసుగు. వాళ్ళ చేత రెగ్యులర్ గా బ్రష్ చేయైంచడానికి ఈ టిప్స్ హెల్ప్ చేస్తాయి. చూడండి.

1. వాళ్ళకి నచ్చిన టూత్ బ్రష్ ని సెలెక్ట్ చేసుకోనివ్వండి. చిన్న పిల్లల బ్రష్షుల మీద ఇప్పుడు కార్టూన్ క్యారెక్టర్స్ ఉంటున్నాయి. వాళ్ళని సూపర్ మార్కెట్ కి తీసుకు వెళ్ళి వాళ్ళకి నచ్చిన బ్రష్ కొని పెట్టండి.

2. డెంటల్ హైజీన్ గురించి మాట్లాడే వీడియోస్ చూడడం, బుక్స్ చదవడం వంటివి హెల్ప్ చేస్తాయి. అయితే, ఇది పేరెంట్స్, పిల్లలు ఇద్దరూ కలిసి చేయాలి.

3. అలారం పెట్టి మరీ రెండు నిమిషాలు బ్రష్ చేసేలా అలవాటు చేయండి. లేదా రెండు నిమిషాలు ఉన్న వారికి నచ్చిన పాట పెట్టి ఆ పాట అయ్యేవరకూ బ్రష్ చేయాలని చెప్పండి.

4. షుగర్ ఎక్కువ ఉన్న ఫుడ్స్ పెట్టకండి. వీలున్నంత వరకూ అవి ఎవాయిడ్ చేయండి. మరీ పేచీ పెట్టి తింటే, తిన్నాక కంపల్సరీ గా బ్రష్ చేయాలని చెప్పండి.

5. వాళ్ళతో పాటూ మీరు బ్రష్ చేసుకుంటే వారికి సరైన గైడెన్స్ ఇచ్చిన వారౌతారు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

దయచేసి షేర్ చేసి అందరికి తెలియచెయ్యండి.