How to control loose motions: పెరుగు తింటే విరేచనాలు కంట్రోల్ అవుతాయా..

How to control loose motions: పెరుగు తింటే విరేచనాలు కంట్రోల్ అవుతాయా.. – some natural remedies and food items for loose motions in Telugu

 

 

డయేరియా లేదా లూజ్ మోషన్స్ చాలా అసౌకర్యంగా ఉంటాయి. కడుపులో నొప్పిగా ఉంటుంది, మాటిమాటికీ బాత్రూమ్ కి పరిగెత్తాల్సి ఉంటుంది, ఓపికంతా పోతుంది, నీరసం గా అనిపిస్తుంది. లూజ్ మోషన్స్ తో ఇంకొక సమస్య ఏమిటంటే శరీరం లో నుండి నీరు కూడా ఎక్కువ క్వాంటిటీస్ లో పోతుంది, ఫలితం గా డీహైడ్రేషన్ కి గురి అవ్వచ్చు. కాబట్టి ఈ సమస్య ఉన్నప్పుడు ఫ్లూయిడ్స్ ఎక్కువగా తీసుకోవాలని నిపుణులు చెబుతూ ఉంటారు. అంతే కాక కొన్ని ఫుడ్స్ కూడా ఈ టైమ్ లో ఉపయోగకరంగా ఉంటాయి. అవేమిటో తెలుసుకుందాం.

1. అరటి పండు

డయేరియా తో సఫర్ అవుతున్నప్పుడు తీసుకోవాల్సిన బెస్ట్ ఫుడ్స్ లో బనానా కూడా ఒకటి. అరటి పండులో ఉండే పొటాషియం అరుగుదలకి సహకరిస్తుంది. ఇందులో ఉండే రెసిస్టెంట్ స్టార్చ్ కోలొన్ లో నుండి నీరు, ఉప్పు ని గ్రహిస్తుంది. ఫలితంగా మోషన్ ఫర్మ్ గా అవుతుంది. ఈ పండులో ఉండే ఫైబర్ వల్ల నార్మల్ బవెల్ యాక్టివిటీ రిస్టోర్ అవుతుంది.

2. పెరుగు

పెరుగు తేలికగా ఉంటుంది. ఈజీగా అరుగుతుంది. ఇందులో ఉండే ప్రోబయాటిక్ మంచి బ్యాక్టీరియాని ప్రమోట్ చేస్తుంది. ఫలితం గా డైజెషన్ బాగా జరిగి బవెల్ మూమెంట్స్ హెల్దీ గా మారతాయి.

3. యాపిల్స్

చెక్కు తీసిన యాపిల్స్ కూడా ఈ సమస్య కి బాగా హెల్ప్ చేస్తాయి. యాపిల్స్ ని స్ట్యూ చేసి కూడా తీసుకోవచ్చు.

4. ఓట్మీల్

ఓట్స్ లో ఉండే సాల్యుబుల్ ఫైబర్ గాస్ట్రో ఇంటెస్టైనల్ ట్రాక్ట్ లో నుండి నీటిని గ్రహించి మోషన్ ఫర్మ్ గా అయ్యేలా చేస్తుంది. అయితే, ఓట్స్ ని పాల లో కలిపి ఈ సమయం లో తీసుకోకూడదు. బీన్స్, కీరా, క్యారెట్ వంటి వాటితో కలిపి తీసుకోవచ్చు.

5. కొబ్బరి నీరు

కొబ్బరి నీటిలో ఉండే పొటాషియం, సోడియం వంటి ఎలెక్ట్రొలైట్స్ బాడీలో ఎలెక్ట్రొలైట్ బ్యాలెన్స్ ని సరి చేస్తాయి. లూజ్ మోషన్స్ వల్ల నష్టపోయిన నీటి శాతాన్ని కొబ్బరి నీరు పూరిస్తాయి.

6. జీలకర్ర నీరు

ఒక గిన్నెలో ఒక కప్పు నీరు పోసి ఒక టీ స్పూన్ జీల కర్ర వేసి మరిగించండి. తరువాత కొద్ది నిమిషాలు సిమ్ లో ఉంచండి. చల్లారిన తరువాత వడకట్టి తాగేయండి. ఇది ఇరిటేట్ అయి ఉన్న బవెల్స్ ని చల్లబరుస్తుంది. బాడీని రీ హైడ్రేట్ చేస్తుంది.

7. మజ్జిగ

మజ్జిగ డైజెస్టివ్ సిస్టమ్ ని మళ్ళీ దోవలోకి తెస్తుంది. మంచి బ్యాక్టీరియాని పెంచి చెడు బ్యాక్టీరియాని బయటకు పంపేస్తుంది. అయితే, మజ్జిగా తాజాగా ఉండాలి, ఏ మాత్రం పులుపు ఉండకూడదు. చిటికెడు ఉప్పు కూడా కలుపుకోవచ్చు.

8. మునగాకులు

కొద్దిగా మునగాకు రసాన్ని తేనెతో కలిపి వెంటనే తీసుకోండి. ఇలా రోజుకి ఒక సారి మించి తీసుకోకూడదు. మునగాకు డైజెస్టివ్ ప్రాబ్లమ్స్ ని ఎఫెక్టివ్ గా సాల్వ్ చేస్తుంది.

9. కిచిడీ

పెసర పప్పు తో చేసే కిచిడీ పొట్ట కి తేలికగా ఉంటుంది. త్వరగా అరుగుతుంది. కావాల్సిన ఎనర్జీని ఇస్తుంది.

10. మాష్డ్ పొటేటోస

ఉడికించిన బంగాళాదుంపలు ఈ సమయం లో హెల్ప్ చేస్తాయి. కొద్దిగా ఉప్పు, మిరియాల పొడి చల్లుకుని తినవచ్చు. విటమిన్ సీ, బీ6 ని భర్తీ చేస్తాయి.

ఏం తీసుకోకూడదు..

1. పాలు, పన్నీర్, చీజ్, బటర్ పూర్తిగా ఎవాయిడ్ చేయండి.

2. ప్రాసెస్డ్ ఫుడ్, బేక్డ్ ఫుడ్, షుగర్ ఎక్కువగా ఉండే ఫుడ్ తీసుకోకూడదు.

3. కాఫీ, టీ కూడా తగ్గించగలిగితే మంచిది.

4. వేపుళ్ళు తీసుకోరాదు. క్రీం ఉన్న ఫుడ్స్ కూడా ఎవాయిడ్ చేయండి.

5. పండ్ల రసాలు కూడా మంచివి కావు.

6. బ్రకోలీ, క్యాబేజ్, ఉల్లిపాయ, కాలీ ఫ్లవర్ వంటివి తినకూడదు.

7. ఆల్కహాల్ కి దూరంగా ఉండాలి.

8. స్పైసీ ఫుడ్, మసాలాలు తీసుకోకూడదు. ఇవి ప్రాబ్లమ్ ని పెంచుతాయి.

సమస్య రాకుండా..

1. హెల్దీ ఫుడ్ తీసుకోండి.

2. ఆరోగ్యకరమైన పద్ధతిలో వండిన ఫుడ్ తీసుకోండి.

3. ఫైబర్ ఉన్న ఫుడ్స్ తీసుకోండి.

4. నీరు ఎక్కువ తాగండి.

5. ఆల్కహాల్, కెఫీన్ బాగా తగ్గించండి.

6. రెగ్యులర్ గా హ్యాండ్స్ వాష్ చేసుకుంటూ ఉండండి. ఇందువల్ల బ్యాక్టీరియా స్ప్రెడ్ అవ్వకుండా ఉంటుంది.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.