పొట్టపై నూనె మసాజ్ చేస్తే ఎలాంటి ఫలితాలు ఉంటాయంటే..

పొట్టపై నూనె మసాజ్ చేస్తే ఎలాంటి ఫలితాలు ఉంటాయంటే..

పొట్ట మీద ఉన్న నాబినే బొడ్డు అని పిలుస్తారు. దీన్నే ఇంగ్లీష్‌లో బెల్లి బటన్ అని అంటారు. బొడ్డు పొట్టలోనికి చొచ్చుకు పోయినట్లు రంధ్రం ఆకారంలో ఉంటుంది. అయితే, ఈ నాభికి చాలా ప్రాముఖ్యత ఉంది. ఈ నాభి ద్వారా అనేక ఆరోగ్య చికిత్సలు చేస్తారు. చైనాలో కూడా ఆక్యుపంక్చర్, భారతీయ మందుల వైద్యం ఇలా బొడ్డు ద్వారా ఎన్నో వ్యాధులకు చికిత్స చేస్తారు. క్రమం తప్పకుండా నాభికి నూనె రాయటం వల్ల 8 ఆరోగ్య ప్రయోజనాలు ఉన్నాయి....

నూనెతో మసాజ్ చేస్తే ఇన్ఫెక్షన్లు దూరమవుతాయా..

నేటి కాలంలో ప్రజలు అనేక సమస్యలని ఎదుర్కొంటున్నారు. ఎన్ని జాగ్రత్తలు తీసుకున్నా ఏవో ఒక సమస్యలు వస్తూనే ఉన్నాయి. వీటికి చెక్ పెట్టాలంటే మనం కచ్చితమైన జాగ్రత్తలు తీసుకోవాలి.. అందుకే.. ఓ పురాతన ఆరోగ్య విధానం గురించి తెలుసుకుందాం..

పొట్ట మీద ఉన్న నాబినే బొడ్డు అని పిలుస్తారు. దీన్నే ఇంగ్లీష్‌లో బెల్లి బటన్ అని అంటారు. బొడ్డు పొట్టలోనికి చొచ్చుకు పోయినట్లు రంధ్రం ఆకారంలో ఉంటుంది. అయితే, ఈ నాభికి చాలా ప్రాముఖ్యత ఉంది. ఈ నాభి ద్వారా అనేక ఆరోగ్య చికిత్సలు చేస్తారు. చైనాలో కూడా ఆక్యుపంక్చర్, భారతీయ మందుల వైద్యం ఇలా బొడ్డు ద్వారా ఎన్నో వ్యాధులకు చికిత్స చేస్తారు. క్రమం తప్పకుండా నాభికి నూనె రాయటం వల్ల 8 ఆరోగ్య ప్రయోజనాలు ఉన్నాయి. అవేంటో ఇప్పుడు చూద్దాం..

​నెలసరి నొప్పి దూరం..

నెలసరి సమయంలో చాలా మంది మహిళలు ఎదుర్కొనే సమస్య తిమ్మిరి, నొప్పి. ఈ నొప్పి తగ్గించుకోడానికి ఎన్నో మందులు వాడుతుంటారు. అయితే ఈ నొప్పి నివారించడానికి నాభిపై కొద్దిగా నూనె వేసి మసాజ్ చేస్తే సరిపోతుంది. ఇలా చేయడం వల్ల సమస్యను తగ్గించడమే కాక నొప్పి నుంచి ఉపశమనం అందిస్తుంది. ఇలా చేస్తే మీ గర్భాశయ పొర చుట్టూ ఉన్న సిరలు సడలించడమే కాకుండా శరీరం యాక్టివ్ అవుతుంది. నూనె నెలసరి సమయంలో వచ్చే సమస్యలను నివారించడానికి సహాయపడుతుంది.

​సంతానోత్పత్తిని మెరుగు..

నాభి అనేది పిండానికి తల్లి నుంచి పోషకాన్ని అందించే తాడు. ఇది తల్లికి, బిడ్డకు మధ్య ఉన్న సంబంధం అని అంటారు. అయితే నూనెను క్రమం తప్పకుండా బొడ్డుపై మసాజ్ చేయడం వల్ల స్త్రీ, పురుషులలో సంతానోత్పత్తి మెరుగుపడుతుంది. మరియు స్పెర్మ్ సంఖ్యను మెరుగుపరుస్తుంది. కాబట్టి సంతానలేమి సమస్లయతో బాధపడేవారు ఇలా చేస్తే ఫలితం ఉంటుందని చెబుతున్నారు. దీని వల్ల చాలా మంది కూడా మెరుగైన ఫలితాలు పొందినట్లుగా నిపుణులు చెబుతున్నారు.

​క్లీన్ చేస్తుంది..

చాలా మంది నాభిని శుభ్రం చేయరు. దీని వల్ల అక్కడ ధూళి క్రిములు పేరుకుపోతాయి. ఈ కారణంగా అనేక ఆరోగ్య సమస్యలు కూడా వస్తాయి. కాబట్టి రోజు బొడ్డును నూనెతో క్లీన్ చేసుకోవాలి. అయితే, నూనెతో బొడ్డును శుభ్రం చేసినప్పుడు ఇది చుట్టుపక్కల ఉన్న సూక్ష్మక్రిములు, ధూళిని క్లీన్ చేస్తుంది. దీంతో చాలా ఆరోగ్య సమస్యలు దరిచేరవని చెబుతున్నారు నిపుణులు. అందుకే రెగ్యులర్‌గా నాభికి ఆయిల్ రాయడం చాలా మంచిదని చెబుతున్నారు ఆయుర్వేద నిపుణులు..

​ఇన్ఫెక్షన్లు దూరం..

మీరు నాభిని శుభ్రం చేయకపోతే ఆది లోపలి నుంచి, బయట నుంచి కూడా అంటువ్యాధుల బారిన పడేలా చేస్తుంది. వీటికి ట్రీట్‌మెంట్ చేయడానికి, సూక్ష్మక్రిములను సహజంగా చంపడానికి నూనెలు ఉపయోగిస్తారు. ఆవ, టీట్రీ వంటి నూనెలతో బొడ్డును శుభ్రం చేయటం వల్ల బ్యాక్టీరియా తగ్గడమే కాకుండా వ్యాధులు కూడా రాకుండా ఉంటాయి.

కడుపు నొప్పికి మందుగా..

కడుపు ఉబ్బరం, వికారం వంటి సమస్యలతో అనేక మంది బాధపడుతుంటారు . అలంటి వారికి ఇది చక్కటి పరిష్కారం. ఆవ నూనె, అల్లం మిశ్రమాన్ని మీ నాభికి రాయండి. ఇలా రెగ్యులర్‌గా చేస్తుంటే.. మీ జీర్ణ శక్తి మెరుగై.. కడుపు నొప్పి వంటి సమస్యల నుంచి బయటపడతారు. ఆహారం కూడా త్వరగా జీర్ణం అవుతుంది.

​ఎందుకు పనిచేస్తుందంటే..

మీ నాభిపై ఉన్న చిన్న చుక్క లాంటి ప్రదేశం అనేక ఆరోగ్య సమస్యలకు పరిష్కారంగా ఉంటుంది. ఇది శరీరంలోని అనేక అవయవాలతో అనుసంధానించబడి ఉంటుంది. అందువల్ల బొడ్డుపై నూనె వేసినప్పుడు అది కొన్ని ఆరోగ్య సమస్యలను నివారించడానికి సాయపడుతుంది. దీని కోసం మీరు మంచి నూనెను ఎంచుకోవాలి. కొబ్బరి నూనె , ఆవ నూనె, రోజ్‌‌మెరి నూనె అయినా మీకు మంచి ఫలితాలనే ఇస్తుంది.

​చక్రాలను సమతుల్యం చేస్తుంది

యోగా, ఆయుర్వేదం రెండూ నాభికి మేలు చేస్తాయి. దుకంటే బొడ్డుని శక్తి కేంద్రాల్లో ఒకటిగా భవిస్తారు . అందువల్ల, బెల్లి బటన్ పై ప్రత్యేక శ్రద్ధ తీసుకోవడం వల్ల రుతుచక్రాలను సమతుల్యం చేస్తుంది. ఇది మీ శరీరానికి శక్తిని అందిస్తుంది.

మీ దృష్టిని మెరుగుపరుస్తుంది

బెల్లి బటన్ మీ కంటికి వెళ్ళే నరాలకు కూడా అనుసంధించబడి ఉంది. అందువల్ల బొడ్డుకు నూనె రాయటం వల్ల కంటి సమస్యలు తగ్గుతాయి. ఒకవేళ మీరు దృష్టి సమస్యలతో బాధపడ్తున్నట్లు అయితే కరిగించిన ఆవ నూనె ను బెల్లి బటన్ మీద రాయండి దీని వల్ల మీ కంటి ఆరోగ్యం మెరుగుపడుతుంది. ఉబ్బిన కళ్ళు, నల్లని వలయాల వంటి సమస్యలను తగ్గించడానికి ఇది మంచి మార్గం.

​కీళ్ల నొప్పులను తగ్గిస్తుంది

వయసు పెరిగే కొద్దీ అనేక ఆరోగ్య సమస్యలు వస్తు ఉంటాయి. ముఖ్యంగా కీళ్ల నొప్పులు మరియు శరీర నొప్పులు సర్వ సాధారణమవుతాయి మరియు ఇది మీ రెగ్యులర్ జీవితాన్ని దెబ్బతీస్తుంది. కాస్టర్ ఆయిల్, రోజ్‌మరి ఆయిల్ వంటి నూనెలతో క్రమం తప్పకుండా బెల్లి బటన్‌ ను మసాజ్ చేయడం వల్ల అటువంటి లక్షణాల నుండి ఉపశమనం లభిస్తుంది, మరియు మీ నొప్పిని తగ్గిస్తుంది.